***؟؟؟****؟؟؟***...****؟؟؟؟***
أحاول ما أشوفك وأنسه كل الفات
بلكي گليـبي يزهگ شوكك ويِــملك
اگول لنفسي باچر لازم انمــُــر بيك
واچذبني واصدك ..وأدري ما مرلك
صديقك مو حبيبك صعب هذا الدور
مثلته وغصب عالدمعه اضحكلك
وأسمحلك تدوس جروحي من تضوج
ومن تضحك بعد شتسوي اسمحلك
اشوف اهلك جنت والخاطرك كل يوم
ولأن گلبي يحبك صرت احب اهلك
ماينفع اسف والعمريمشي بساع
واني وياك تهنه وكلمن بمسلك
مجنون اني ما ارهم اعيش وياك
ومن جسمي ولك لو ردت اذبحلك
اشربك ماي عيني وتاكل من الروح
واذا حزنان اخلي جروحي ترگصلك
ماحسيت ابد بحساسي ماحسيت
رغم بيدي اجيب احساس واخذلك
وانته الدمعه ماتذرفهه لجل الناس
وماتعرف عدوك ذاك من خلك
ضل بهذا حالك واني هم ابعيد
واحسن خل اعوفك وانت احسنلك
ـــــــــــــــــــــــــــــــــــــــــــــــــــــــــــــــــــــ
اكو واحد حبله وحده جنها ايه من الجمال
وهي هم جانت تحبه وميته بالحب لامحال
احلى شاب وجنه شمعه وضاوي بنص الضلال
وهي هم جانت تجنن وشايله عيووون الغزاال
خبلوا الناس بغزلهم وجننو حتى الجمال
... ومرت ايام وتعدت وأجت ساعه الانفصال
قرروا ينهون كولشي والرجوع جدا" محال
تدري ليش انهو علاقتهم وكالوا حبهم شي خيااال..؟
لان هي تحب برشلونااااااا وهوا يعشق الريااااااااااااال
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
*******************
يجي يوم واشوفك تبجي مثلي دموع
وعلى فراكي اشوفك حـيـل مــقــهور
دنيـــا الــبـاع بــيــه يــصـيــر مبــيـوع
عبـــالــك بــيــه دارت بـيــك مـــــتدور
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
مو كلمن يحبك دائما وياك
ترة بيهم يحبك بس مصالح
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ما اكلك عزيز وانت اعز الناس
اخاف اتكول هذا اسلوبك الفني
احجيها بصراحه وكل ثقه وياك
اذا تسألني اكلك حتى اعز مني
ــــــــــــــــــــــــــــــــــــــــــــــــــــــــــــــــــــــــــــــــــــــــــ
نصيحه أرجوك لا تتكبر إهواي
أكو غيرك يحبني يمــوت بيه
وأذا تتكَلب بعد تعتبر ملـبوس
حلـو أنته أعله روحك مو عليه
ـــــــــــــــــــــــــــــــــــــــــــــــــــــــــــــــــــــــــــــــــــــــ
مسحتك من حياتي وحته من الروح
وبعد ماكمت افكر بيك مااهتم
واذا حنيت ترجع لاترد ارجوك
بعد شيفيد ترجع والمسح قد تم
ـــــــــــــــــــــــــــــــــــــــــــــــــــــــــــــــــــــــــــــــــــــــ
تذكر من كلت لحظة اني ما انساك
ليش شغيرك شو هسة ناسي
ـــــــــــــــــــــــــــــــــــــــــــــــــــــــــــــــــــــــــــــــــــــــ
من يوم الهويتك ما أفكر بيك
رغم شوك البكلبي الصار الك وحدك
ما افكر بشخصك مو لأن ناسيك
لأني ابيش افكر؟؟...والعقل عندك
ـــــــــــــــــــــــــــــــــــــــــــــــــــــــــــــــــــــــــــــــــــــــ
امد ايدي اصافح جفك شبيـــــــك ..
تكَلي الله يرزقك خرده ما عنــدي !
ــــــــــــــــــــــــــــــــــــــــــــــــــــــــــــــــــــــــــــــــــــــ
اصرخ واصيح بصوت يابويه بوووويه
عاشكهه صار سنين وتكلي خويه
ـــــــــــــــــــــــــــــــــــــــــــــــــــــــــــــــــــــــــــــــــــــــ
ناجح سجليتك بس بلفراك
ماخذ ميه بلميه إنت شاطر
راسب بلمواصل إنت معذور
وجيد جدا بكسر الخواطر
ـــــــــــــــــــــــــــــــــــــــــــــــــــــــــــــــــــــــــــــــــــــــ
سولفهه ع روحــك ع الحياطين
كــلبك مــاعشك فد يـوم ثاني
كلبك مـن نكــته أطشرو نــاس
بيــك أتـقشمرو وأولـــهم أنــي
ـــــــــــــــــــــــــــــــــــــــــــــــــــــــــــــــــــــــــــــــــــــــ
عفتني وانت تعرف فركتك تابوت
ما احــــب الضلام اشبيك ماترجع
ـــــــــــــــــــــــــــــــــــــــــــــــــــــــــــــــــــــــــــــــــــــــ
روح وعــــــود لاتدعيلي بالخير
بس ادعيلي خاطر اكدر انساك
ـــــــــــــــــــــــــــــــــــــــــــــــــــــــــــــــــــــــــــــــــــــــ
هنيــــال كلمــــــن بـــس يحــــط راســـه وينــــام
و لا يفكـــــر .. لا يجــــي إبـّـــــــاله العشـــــگ
ـــــــــــــــــــــــــــــــــــــــــــــــــــــــــــــــــــــــــــــــــــــــ
الحك ويغيرك شفنه يمشي فلان **
رحت ركاض شفتك تمشي ويايه
ـــــــــــــــــــــــــــــــــــــــــــــــــــــــــــــــــــــــــــــــــــــــ
***************************
روح براحتك عالعشره مامجبوووو
أرجع للتحبه وعوفني بحااالــي
حسبالك أذل وأتوسلك بس عوود
ولك من عين باجر غيرك ألكَالي
ـــــــــــــــــــــــــــــــــــــــــــــــــــــــــــــــــــــــــــــــــــــــ
نطيتك كلبي وكلتلك هاك
تالي تشمره تكول ما يعجب
ـــــــــــــــــــــــــــــــــــــــــــــــــــــــــــــــــــــــــــــــــــــــ
شلت كلبي وحجاره بمكانه خليت
اشو كامت حتى الحجاره تحبك
ـــــــــــــــــــــــــــــــــــــــــــــــــــــــــــــــــــــــــــــــــــــــ
الف صديق ولا عدو واحد
غلط هذا المثل و الكال جذاب
بوكت العوز واحد ماطلعلي
ـــــــــــــــــــــــــــــــــــــــــــــــــــــــــــــــــــــــــــــــــــــــ
دونك عمري يخلص تعرف شلون
مثل عمر الجكاره بحلك مسجون
ـــــــــــــــــــــــــــــــــــــــــــــــــــــــــــــــــــــــــــــــــــــــ
من ارجف كبالك لاتظن بردان
بس هيبة جمالك رجفتني
ـــــــــــــــــــــــــــــــــــــــــــــــــــــــــــــــــــــــــــــــــــــــ
ألهي تكَل للشيء كـــن فـــيكــــون.....
شتخسر لوتكلة أيصيرأليه
ـــــــــــــــــــــــــــــــــــــــــــــــــــــــــــــــــــــــــــــــــــــــ
لتكَلهم خسر بالعشره وياي
انه وياك رابح كووومه جروووح
ـــــــــــــــــــــــــــــــــــــــــــــــــــــــــــــــــــــــــــــــــــــــ
بعد هجرك عرفت هواي شغلات.
ابسط شي عرفته الموت راحه
ـــــــــــــــــــــــــــــــــــــــــــــــــــــــــــــــــــــــــــــــــــــــ
****************************
غيرك ما شفت واشلون اشوفك غير
وكل غيرك امس من بالي طلكته
غيرك شنهو غيرك غيرك المن جاي
غيرك هم اجاني وجني ما شفته
بس انت وعلي وكلش قفلت اعليك
لو حطو ابصفك سطعش انته
انقفل كلبي عليك بقفل ومضه
وسهم حبك نبت بحشاي ومضه
تعال اسمع كتبت اشلون ومضه
بيهه من ارد اوصفك شرد اوصف بيك
فطاحل بالشعر عجزو يوصفونك
الناس عيون عدهه وانت بس عيون
كلي شلون اعوفك وآخذ عيون
ـــــــــــــــــــــــــــــــــــــــــــــــــــــــــــــــــــــــــــــــــــــــ
جنت اكره خيالك يوكف اوياك
اشلون انطاك كلبك غيري حبيت
ـــــــــــــــــــــــــــــــــــــــــــــــــــــــــــــــــــــــــــــــــــــــ
بعد ماكو صداقه وراح اكلك ليش
لان صديقي باك محفضتي وقهرني
ـــــــــــــــــــــــــــــــــــــــــــــــــــــــــــــــــــــــــــــــــــــــ
انا اتخبلت كتلك اريد انساك !!
انت يالعاقل وشمالك عفتني !!
ـــــــــــــــــــــــــــــــــــــــــــــــــــــــــــــــــــــــــــــــــــــــ
بقه اخر نفس ويمرلي عزرائيل
فشله انطيني روحي شراح اكله
ـــــــــــــــــــــــــــــــــــــــــــــــــــــــــــــــــــــــــــــــــــــــ
طلع كل الرسمته اوهام بأوهام
ارسم بلظلام بقلم كحله
ـــــــــــــــــــــــــــــــــــــــــــــــــــــــــــــــــــــــــــــــــــــــ
من عندي نجاح الاهل يردون
احيرن بلعشك لو بلدراسه
ـــــــــــــــــــــــــــــــــــــــــــــــــــــــــــــــــــــــــــــــــــــــ
من كدما احبك كلت لامي عليك
حتى بكل صلاه تدعيلي مانخرب
ـــــــــــــــــــــــــــــــــــــــــــــــــــــــــــــــــــــــــــــــــــــــ
**********************
راح الملم كلشي بيه وراح اجيك
عندي شوگ لشوفتك ماينحزر
لاتخاف النار والناس شتگول
ليش هو العاشگ يخاف الجمر
ولايهمك قال والقيل شيصير
اني احبك راح اصرح بالامر
خلي كلشي يصير صدگ مااخاف
اگلب الدنيه عله مودك وانتصر
تدري طولي لغير طولك مايلوگ
وتدري گلبي لغير حبك مايقر
لشوكت ابقه عله بيبانك اصيح
تگلي احمر بالاشاره وانتظر
اني مو شرطي مرور وجيت اصيح
انه جايب گلبي ماجاي بعذر
وجايب شفافي اودعهن بديك
بلكي من تاكل يبوسن بالثغر
وهاي روحي المرمرتني تريد ليك
لأن بس بحضنك تشم العطر
وانت خايف تفتح الباب اشأجاك
خلني اشوفك فدوه ماظلي صبر
خلني المن شعرك الطار بهواي
وانت تدري بشوفتك يحله العمر
والله احس بروحي ترتاح بسماك
من امد ايدي والزمك بالخصر
وخل تعيش ارواحنه بعز وامان
تدري اني وانت مرمرنه الغدر
ـــــــــــــــــــــــــــــــــــــــــــــــــــــــــــــــــــــــــــــــــــــــ
( وعلى نياتكم ترزقون )
لان نيتي سليمة وكلبي ما مدغوش
رزقني الله باخو ه يسون الملايين
ـــــــــــــــــــــــــــــــــــــــــــــــــــــــــــــــــــــــــــــــــــــــ
كلتلك لا تسولف حبنه للــناس...
عاندت وحجيته وتالي حسدونه..
ـــــــــــــــــــــــــــــــــــــــــــــــــــــــــــــــــــــــــــــــــــــــ
اسولف عن جمالك واحچي للناس
يكَلولي چـــذب حـچيك خــــرافه
ـــــــــــــــــــــــــــــــــــــــــــــــــــــــــــــــــــــــــــــــــــــــ
انه دروبي الحزن وهمومي الايام
فرح شنو الفرح ماسامع بهاي
ـــــــــــــــــــــــــــــــــــــــــــــــــــــــــــــــــــــــــــــــــــــــ
رشحتك حبيبي بقائمة اهواك
و بأول تسلسل اني خليتك
ولغيت احزاب كلمن نافسك خسران
بس حزبك يعيش تفوز قوميتك
بس انت الوحيد بلا دعايه تفوز
تك حاجب ترفعه يجيك حد بيتك
و اني اليوم اجيتك وكلبي يهتف بيك
و بالعشرة ابصم صحت حبيتك
ـــــــــــــــــــــــــــــــــــــــــــــــــــــــــــــــــــــــــــــــــــــــ
اجيت تشوفني وبعيونك اشواك
لو شامت اجيت ويه اليشمتون
اشو صافن علي والرجفة بشفاك
رمشك ما رمش تعبت الجفون
معقولة الخجل لو تحس ندمان
هم عندك احساس وية اليحسون
ـــــــــــــــــــــــــــــــــــــــــــــــــــــــــــــــــــــــــــــــــــــــ
****************************
تسألني احبك والله عيب عليك
موتدري من اشوفك تضحك عيوني
ومن تبعد عليه ايامي وحشة تصير
والفرحة ابد ماتسكن سنوني
لاتسأل حبيبي وانت تعرف زين
صدكني بسؤالك تكثر جنوني
حبيتك ترف والكلب بيدك صار
بس هسة بكلامك خابت ضنوني
من يوم العرفتك واني مغرم بيك
صرت انت شرابي وانت ماعوني
شكثر عنك حجولي الناس
وعن حبك اتوب وانسه رادوني
وانه بكل دقيقة تمر الك اشتاك
صرت اول حلم بس تغمض جفوني
ـــــــــــــــــــــــــــــــــــــــــــــــــــــــــــــــــــــــــــــــــــــــ
لا تصفن يخايب العوز صار استاذ
وغـــــــصبن ماعلينه انصير طلابه
ـــــــــــــــــــــــــــــــــــــــــــــــــــــــــــــــــــــــــــــــــــــــ
الا مــن ناصــر ينصــر گلــب مجــروح؟؟
ماعــاش بفــرح ولا شافــه لحظــه؟
إذا موجــود خلــي ينطينــي اعجــاب...
ويردلــي بشعــر بــس كــون ومضــه
ـــــــــــــــــــــــــــــــــــــــــــــــــــــــــــــــــــــــــــــــــــــــ
اخــاف من المخدة بساعة الليل
احط راسي عليها وتبدي الهموم
ـــــــــــــــــــــــــــــــــــــــــــــــــــــــــــــــــــــــــــــــــــــــ
شيقنعة الطفل لو كال اريدن هاي
شايل طبع جاهل هسة اريدنك
ـــــــــــــــــــــــــــــــــــــــــــــــــــــــــــــــــــــــــــــــــــــــ
تهز جبال لو مر جدمها على كاع
تخلي الناس كلها بحبها مرميه
وتهد قلوب لمن تحب بطيب
ويشع نور الوجه للناس حنية
بكل خطوة رجل تنثرك وورد
وبضحكة الشفايف هلدنيا مسبية
وهلكلام وهلفخر مو لاي انسان
هلشعر انكتب بس للعراقيه
ـــــــــــــــــــــــــــــــــــــــــــــــــــــــــــــــــــــــــــــــــــــــ
وصلت الموت خايب وانته ماحسيت
عمت عين الوكت خلاني احب مثلك
ـــــــــــــــــــــــــــــــــــــــــــــــــــــــــــــــــــــــــــــــــــــــ
رسمتك صورة مطبوعة بسواد العين
ومــا غمض اخافــن تنمحي الصــورة
وكتبتك ذكره حلوه مو علة الحيطان
كلبــي لـــذكرتــك ســويتة صـــبورة
وردتك ايـــد تــرفة اتنشف الدمـعات
مــــا ردتك تخلي الدمـــــع نافـــورة
ـــــــــــــــــــــــــــــــــــــــــــــــــــــــــــــــــــــــــــــــــــــــ
إذا رايـــــــــد تروح أتخيّل الموت
وأوشل ماي عيني بيوم تمشون
البشر لجـل العزيز إتشگ الثياب
وآنـــــــه لفرگتك شگيت العيون
ـــــــــــــــــــــــــــــــــــــــــــــــــــــــــــــــــــــــــــــــــــــــ
البقيه أبحياتك خاتمة الأحزان
تعال أستلم كلبي المات بغيابك
ـــــــــــــــــــــــــــــــــــــــــــــــــــــــــــــــــــــــــــــــــــــــ
بغيابك بعد مــا راح أشعــــل شمـــــوع
راح اشعــــل أبــــو الجــــابك عليــــــــه!
ـــــــــــــــــــــــــــــــــــــــــــــــــــــــــــــــــــــــــــــــــــــــ
***********************
احنة كبال عينك خايب شبيــــــك
تصد للغير واحنة كبالك اعـــــــوام
عساك بعشك كلبي كلبك انصـاب
وخلي نشوف عينــــــك تكدر تنام
يادين اليكلك عذب اليهـــــــــــواك
حتة اكــــــفر بدينك واعبد الاصنام
يتيم اباب دارك صارلـــــــي سنين
ياقاسي كلـــــــب ماترحم الايتام
ـــــــــــــــــــــــــــــــــــــــــــــــــــــــــــــــــــــــــــــــــــــــ
لاتكلي شبيك من أصفن عليك
وسرك بكلب اليحبك دافنة
عاصفة الدنيا ومطر مجنؤنة بيك
ومن ضحكت الدنيا ظلت صافنة
ـــــــــــــــــــــــــــــــــــــــــــــــــــــــــــــــــــــــــــــــــــــــ
ستر الام عزيز وكلهة تحلف بيه
بستر امك احلفك بعدك اتحبني؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــ
ربي شنهو الصار شنهو بتلينه
تسوي بالحلوات وتذب علينه
ـــــــــــــــــــــــــــــــــــــــــــــــــــــــــــــــــــــــــــــــــــــــ
الشفته منك كافي شتسوي أجيت؟
مـــاتفيد أعـــذار جـــاي شتعتذر؟
حبنه مــــات وبعد نرجع مستحيل
مثل قطرة مــــاي طـاحت بالنهر
ـــــــــــــــــــــــــــــــــــــــــــــــــــــــــــــــــــــــــــــــــــــــ
شد بجرؤح حبك واشتهي انساك
وأإأكؤل ارتأإح لو مرة نسيتك
نسيتك عؤؤد لحظة وكيفت بيك
وأكف بالدمع عالخد لكيتك
ـــــــــــــــــــــــــــــــــــــــــــــــــــــــــــــــــــــــــــــــــــــــ
تنخيت النفس ما قصر وياي....
رسم وجهك ابدخان الجكاير....
ـــــــــــــــــــــــــــــــــــــــــــــــــــــــــــــــــــــــــــــــــــــــ
اذا انت بمشيتك تفطر الكاع
اني بكبريائي الأرض امحيهه
ـــــــــــــــــــــــــــــــــــــــــــــــــــــــــــــــــــــــــــــــــــــــ
تعال بسرعه رشح صدك تفوز
مجلس كلبي محتاجك محافظ
ـــــــــــــــــــــــــــــــــــــــــــــــــــــــــــــــــــــــــــــــــــــــ
أذا أكتب قصيده وبيهه أوصف بيك
يظل حته الكلام يصيح الله
ـــــــــــــــــــــــــــــــــــــــــــــــــــــــــــــــــــــــــــــــــــــــ
أذا شفتك بخير وعني راضي اليوم
أحس روحي رفيق وباسه صدام
ـــــــــــــــــــــــــــــــــــــــــــــــــــــــــــــــــــــــــــــــــــــــ
أنعرض جرحي بغيابك عالفضائيات
الشماته أتصيح والله أخبار حلوه
ـــــــــــــــــــــــــــــــــــــــــــــــــــــــــــــــــــــــــــــــــــــــ
ناذر لو رجعنه ومات الفراگ
سبع شمات أذبح جوه رجليك
ـــــــــــــــــــــــــــــــــــــــــــــــــــــــــــــــــــــــــــــــــــــــ
*************************
الله يريد حبل الوصل ممدود
شبيك معاند الله وگاطع وياي
ـــــــــــــــــــــــــــــــــــــــــــــــــــــــــــــــــــــــــــــــــــــــ
لبست عگال محد گال مهيوب
لبستك تاج گالو والله هيبه
ـــــــــــــــــــــــــــــــــــــــــــــــــــــــــــــــــــــــــــــــــــــــ
قل أعوذ برب الفراگ
من شر الشماته الگاضه الباب
ـــــــــــــــــــــــــــــــــــــــــــــــــــــــــــــــــــــــــــــــــــــــ
مو گلبي أنترس من فرگتك أهات
وصنف دمي تغير صارb ضيم
ـــــــــــــــــــــــــــــــــــــــــــــــــــــــــــــــــــــــــــــــــــــــ
شايل بگلبي حجي بگد ذكرياتي وياك
منو اليفهمني غيرك خاطر أحجيله
ـــــــــــــــــــــــــــــــــــــــــــــــــــــــــــــــــــــــــــــــــــــــ
على الباكيت كتبو أحذر التدخين
وعلى الفرگه شعجب ماحذرتني
ـــــــــــــــــــــــــــــــــــــــــــــــــــــــــــــــــــــــــــــــــــــــ
گالو من رحت تصبح على خير
انه بيا خير أصبح وأنته مو يمي
ـــــــــــــــــــــــــــــــــــــــــــــــــــــــــــــــــــــــــــــــــــــــ
لان مشتاقلك حته الله شد وياي
يگلي أصبر بعد حسباله يعقوب
ـــــــــــــــــــــــــــــــــــــــــــــــــــــــــــــــــــــــــــــــــــــــ
حچه كلمه المسيح وصار روح الله
واني أشكد حجيت وماصرت روحك
ـــــــــــــــــــــــــــــــــــــــــــــــــــــــــــــــــــــــــــــــــــــــ
يهودي وسولفتله منك شصار
بجه وصيح دخيلك يامحمد
ـــــــــــــــــــــــــــــــــــــــــــــــــــــــــــــــــــــــــــــــــــــــ
حلف گلبي يعوفك صدكت بيه
وره لحضات گال أستغفر الله
ـــــــــــــــــــــــــــــــــــــــــــــــــــــــــــــــــــــــــــــــــــــــ
أني الشماته أغثهم تعرف أشلون
أرسم بالدموع أحلوگ تضحك
ـــــــــــــــــــــــــــــــــــــــــــــــــــــــــــــــــــــــــــــــــــــــ
**********************
تحس ذله شكبرهه بيوم لو سألوك
أگلك صاحبك شو مايمر بيك
ـــــــــــــــــــــــــــــــــــــــــــــــــــــــــــــــــــــــــــــــــــــــ
يلمتاني الوحي أينزلك أبيات
انه وحي القفشات عندي رقمه
ـــــــــــــــــــــــــــــــــــــــــــــــــــــــــــــــــــــــــــــــــــــــ
مثل هجرة محمد صرت أتانيك
صاعد عالنخل بس ماأشوفك
ـــــــــــــــــــــــــــــــــــــــــــــــــــــــــــــــــــــــــــــــــــــــ
مثل لحظة تخرج عمري وياك
بي فرحة شهاده ودمعة فراگ
ـــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم
(أن وعد الله حق)
بس تبعد عني تلگاها علحايط
ـــــــــــــــــــــــــــــــــــــــــــــــــــــــــــــــــــــــــــــــــــــــ
ملك الموت أجاني وشاف الجروح
گعد طلع جكاره وكلي نارك
ـــــــــــــــــــــــــــــــــــــــــــــــــــــــــــــــــــــــــــــــــــــــ
فقر دم بيه عادي وماأهتميت
فقر ماي بغيابك صاب العيون
ـــــــــــــــــــــــــــــــــــــــــــــــــــــــــــــــــــــــــــــــــــــــ
منو گال الشماته يعذبون هواي
والله ألي نحبهم عذبونه أكثر
ـــــــــــــــــــــــــــــــــــــــــــــــــــــــــــــــــــــــــــــــــــــــ
احس عندي نقص لمن عليه تغيــــب
واحس حتى النفس ما يدخل بصدري
يااجمل اسم عالبال ظل محفــــــــور
وياشمعة حياتي النورت عمـــــــــري
الك شايل محبه تكفي كل الكـــــون
والك صوره بخيالي وكّفت فكـــــــري
تدري بيا وكت,يا لحظه اني انساك؟
من هذا القلب ينشال من صــــدري"
ـــــــــــــــــــــــــــــــــــــــــــــــــــــــــــــــــــــــــــــــــــــــ
تعال جـــــــــروحي صارن بي مسارات
وجنت اضنهم فرح كلبي وبي مسارات
خلك خليت
كلشي نطيت
دمع صبيت
رايه العباس الك شديت
ما فليت
الك وافيت
وانته نسيت
جبتهن بالكلب فيت
بدرب غيري انته مشيت
وكول بدرب غيري ابد بي مسارت
وأصدك روحي وتـــــــــجذب عليه
ـــــــــــــــــــــــــــــــــــــــــــــــــــــــــــــــــــــــــــــــــــــــ
كبل عني ثواني تغيب ارد اشتاكَـ
هسه شهور عني تغيب ما اهتم
قبل فراكَك صعب وكَـــــــوة اقرااه
صبـح شـاطر كَــليبي وكَام يتعلم
اليفاركَـ وفي كل عمرة ضل ندمان
بس اليفاركَـ الخاين هم تضن يندم
ـــــــــــــــــــــــــــــــــــــــــــــــــــــــــــــــــــــــــــــــــــــــ
حبيبي الي غدر وغادر الروووح
الله وياه كلش زيين من غاااادر
ولا اكعد افكر وحرك الرووووح
هيج انه نسيتك هيج عطاير
ـــــــــــــــــــــــــــــــــــــــــــــــــــــــــــــــــــــــــــــــــــــــ
اول ماشفت نــضرة من العيون..
صحت ربي دخيلك عـينه تكتل..
وجماله مو طبيعي مدوخ الناس.
جمالك كهــــربائي اعتقد ينتل..
غلط نزرع ورد ونحــطه بل طين.
لزومن فـــــوك خدك ورد نشتل.
بكل حلو لوله اعتقد بس انته لا.
انته حور ولولتـــــــك تفتل فتل..
انته من تطلع حظر عــدنه يصير..
والكمر شافك ترك نجــمه وختل..
انته بيش انقـــارنك نسبة جمال..
مثل يوســــف لاكن بنسبة رتل
ـــــــــــــــــــــــــــــــــــــــــــــــــــــــــــــــــــــــــــــــــــــــ
خلطت جرحي ودمعتي وخظرت موت
على شفافي الـــــفراك وضووكتهن
حضنت جرحي ودمعتي حتى لاتروح
عـــــــندي اعزاز كلـــــش ما عفتهن
نسيت الجرح بس دمعي شينسيه
كلـــتلهن رجــــــــع و قــــــشمرتهن
ـــــــــــــــــــــــــــــــــــــــــــــــــــــــــــــــــــــــــــــــــــــــ
الابيض وجوهم مو فرد مقياس
يخدعك بالوجه بس كلوبهم سوده
اخذ عبرة بلال شـــسووة للدين
الصخرة شكبرها وماعاف معبوده
ـــــــــــــــــــــــــــــــــــــــــــــــــــــــــــــــــــــــــــــــــــــــ
تعبنه الوكت ما ندري شمســوين..!!
وصفت دنيتنه ظلمه وحيل سوده..!!
كَــــــالو قفل واحد ينفتح وتهون...!!
قفل ياباب ..؟نفتح كلهة مسدوده
ـــــــــــــــــــــــــــــــــــــــــــــــــــــــــــــــــــــــــــــــــــــــ
احنا ولدك ياعــــــــراق مجربين
احنا تاريخ وحــــــــــضاره وثاااايه
احنا هيبه ومرجلة بوكت الصعاب
احنأ فوك المــــــــوت اندك رايه
ـــــــــــــــــــــــــــــــــــــــــــــــــــــــــــــــــــــــــــــــــــــــ
اذا انت بمشيتك تفطر الكاع
اني بكبريائي ا?رض امحيهه
ـــــــــــــــــــــــــــــــــــــــــــــــــــــــــــــــــــــــــــــــــــــــ
سمعت صوتك وراي يصيح احبك حيل
طلع شامت خبيث يقلد اصوات
ـــــــــــــــــــــــــــــــــــــــــــــــــــــــــــــــــــــــــــــــــــــــ
مو شرط اليشوفك كون عنده عيون !!
ذاك اليوم شفتك كاعد ابالي !@
ـــــــــــــــــــــــــــــــــــــــــــــــــــــــــــــــــــــــــــــــــــــــ
صافن بالدرس واذكر ايامي ويـــاك
كومنــي المدرس وكتلة هـا حبي
ـــــــــــــــــــــــــــــــــــــــــــــــــــــــــــــــــــــــــــــــــــــــ
كعد يمي طفل يسمعني اسولف بيك
ســمع مني القليل وكام شــايب
ـــــــــــــــــــــــــــــــــــــــــــــــــــــــــــــــــــــــــــــــــــــــ
من كدما ركضت بحبي وياك علية
الناس كالو هذا بيب بيب
ـــــــــــــــــــــــــــــــــــــــــــــــــــــــــــــــــــــــــــــــــــــــ
لان تحرك نفسها الخاطري اهواي
قررت ارتبـــــــــــط بس بل جكاره
ـــــــــــــــــــــــــــــــــــــــــــــــــــــــــــــــــــــــــــــــــــــــ
بلا كلمة شلونك سولف وياي
ياخير التريده بهجرك يصير .!
ـــــــــــــــــــــــــــــــــــــــــــــــــــــــــــــــــــــــــــــــــــــــ
كومني المعلم كلي أكتب دار
كتبت أستاذ شالواا وحدي عافوني،
ـــــــــــــــــــــــــــــــــــــــــــــــــــــــــــــــــــــــــــــــــــــــ
ا تبطي تعال بسرعه اترجاك
القفشات تبجي تصيح اقراني
ـــــــــــــــــــــــــــــــــــــــــــــــــــــــــــــــــــــــــــــــــــــــ
اانه حالي بغيابك هز ضمير بليس ,,
مستغرب لهسه شلون ماهزك
ـــــــــــــــــــــــــــــــــــــــــــــــــــــــــــــــــــــــــــــــــــــــ
صنف دمي تتن والكريات كطوف -
حللني على كيفك كلي دخان
ـــــــــــــــــــــــــــــــــــــــــــــــــــــــــــــــــــــــــــــــــــــــ
صار كلبي بغيابك عود شخاط??
وكل ساعه الشماته تكلي نارك??
ـــــــــــــــــــــــــــــــــــــــــــــــــــــــــــــــــــــــــــــــــــــــ
مرسومه بعيونك كلمه المليت
كافي بمستحاك تكحل عيونك
ـــــــــــــــــــــــــــــــــــــــــــــــــــــــــــــــــــــــــــــــــــــــ
هذا اخر جرح للعافني وراح
يگلي من جرحتك ما طلع دم ..
ـــــــــــــــــــــــــــــــــــــــــــــــــــــــــــــــــــــــــــــــــــــــ
طلع بيه جرح كلش عجيب
ينزف وحده اكبال الشماته
ـــــــــــــــــــــــــــــــــــــــــــــــــــــــــــــــــــــــــــــــــــــــ
انه بقمه جفاك تعلقت بيك ..
تريد بكل بساطه انساك هسه
ـــــــــــــــــــــــــــــــــــــــــــــــــــــــــــــــــــــــــــــــــــــــ
لا تسولفلي علة جرحك عمري راح
الجرح يشفة سنيني وين الكيهــة
ـــــــــــــــــــــــــــــــــــــــــــــــــــــــــــــــــــــــــــــــــــــــ
ذليتك نعم كدام كل النــــــاس,,,
خنت عشرة عمر شتريد اسويلك؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــ
