^^^^الـ،ـزعـ،ـيـ،ـم^أبـ،ـن^الـ،ـبـ،ـصـ،ـره^^^^
عشرة هالوكت صارت مصــالح ليش؟
غريبة اتغيرت ياوســــــــــــفه مدريها
التحبه وتعتقد شـــــــــــــاريك بالروح
اذا مصلحته خلصــــــــــــت باع تاليها
مثل كَلبي اعتقد ظنيت كـــــل الناس
احب الناس كلها وكـــــــــــلها اداريها
اثاري اني غشيم وكَلبي غــــــــلطان
لذلك مااعيد الغــــــــــــــــلطة وثنيها
راح اترك الطيبة وانســــــى كل الراح
وابدأ من جديد وروحـــــــــــي اباريها
واحاول بلكي اعوض مني مـــــــافات
وصفحات المضت فد نوب اطـــــــويها
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
انتي مــو أم لا بشر انتـــــي ملاك
انتي من الله الج هيبـــــــــــه وقدر
أنتي الله مفضل عليــــــــــج بنعيم
يعني قدرج عالي وأعلى من الكمر
تحت اقدامج الجـــــــــــنه يكـــــــول
جنه وشلون أرد أوصفــنـــــها بسطر
يانهر يا بير زمـــــــــزم والحيــــــــــاة
أنت أعجب من عصا ألشطرت بحــر
ألله حط كل الصفات بقالبـــــــــــــــج
وكدر يجمع ماي وي كومـــــــت جمر
أليغـــــــــــص بالزاد يتعنى للمــــاي
من أغص انه تصيــــــــــــــــريلي نهر
وألكمر صح بالسمه ومـــــــاله مثيل
ويمه علكاع انتي احلـــى من الكمر
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
طلع بيه مرض سميتــــه الفراگ
ويوميه گمت بجفاك اعــــــــــاني
ودكتوري ذكي حس بيه مشتاگ
سولفلي عليك وطيبـــــــــــــاني
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
(خذاك الموت) يمه وأنت اظـن تعبان
سوده بوجهي يـــمه اشلون فاركتك
ادعيلك ييمه وهالــدموع اتســـــيل
بيد الله ييمه بليله سلــمتــــــــــــك
(أنفجار) الناس صاحت صحت يا الله
أنفجر كلبي ييمه الصبح ماشفتـــك
جابولي (نعش بي راس بي جفين)
مكطع يمه هيج الناس شايلتـــــك!
==== الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
ذبيــّــــته الفــــــرح كحــــله بظـــــلام الليــــــــل
ذبيــّــــته و نسيــــــــته و راح مــــــن بــــــــالي
لگــــــوه غــــيري و إجــوا دگــّـوا عليــه البـــاب
إلـــــك هـــــذا الفــرح ..؟ لا گـلــــت مــو مـالــي
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
گالولي تحب گلت اليحب مو عـــــــــيب
الما يــــوفي بمحبــته تكثر اعيـوبــــــــه
وادري باليحب يتحمل اللـــــــــــــــوعات
ومن دمعه اليـــــــهله ايـصير مشـــــروبه
گالوا ياطبع مرغوب للعشـــــــــــــــــــــ اك
گلت طبع الحــــــــــبيب يصون محــبوبه
گالوا وصفه المحبوبــــك بأيجـــــــــــــــــاز
وگللّنه الصفـــــــــــــات البيـــه مـــرغوبـه
گتلهم صعب وصف الحبيــــــــــب بساع
لان قلعه حبيبـي ومن ذهــــــــب بوبـــه
يشع نوره بكماله وبالحســــــــــن ايات
ومن اسمه تحس بيه اجــــمل اعذوبـــه
يسري اويه الدم حبه ويغــــذي الـروح
وعالفطره محبتـــي بلوح مــــــــــــكتوبه
===== الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
نسيت شگد لجل عينك شفت لوعــات
وفوك هموم گلبي تحـــــملت هـــــمك
اگلك جرحي ينزف يمــــك انــــت دواي
تگلي انزف وموت واغــــرك بدمـــــــــك
واگلك تعب گلبي تگــــلي روح ارتــــاح
ياراحه التجيني بغــــــير ما اشمـــــــك
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره =====
دين برگبتك كل عمري ذاك الضـــــــاع
و مـــاريده بعد متبري مـــــــن دَينـــي
بـــس كون إنـــت تبعد أبعد من الغيم
و ألف صدفه تمر و مـــا تــــــــــلاگيني
===== الـ،ـزعـ،ـيـ،ـم^أبـ،ـن^الـ،ـبـ،ـصـ،ـره =====
مو هينه بصراحه نطوي اعز كــــتاب
وامسح كل حروفي واشطب حروفك
مشكلتك تحب اتعيش حتـــه اتعيش
خالي من المــــشاعـر بارده جفوفك
ماتــعرف تقـــدر واحـــــــد انجن بيك
حـَـبك من عـــذابه وقــــــدر اضروفك
مارادك تواعد گـلبــــه بالكـــــــــلمات
ولا رادك تضــمــضـم عن هلك خوفك
رادك للنهايه تعيــش بـــس ويـــــــاه
اعمه ومايــــشوف وكـــامش اجتوفك
اجاك بلا سلاح وبيـــده شــــال ورود
شجاك اتخبلت واذبحــتــــه بسيوفك
دگـيت بطبل من شفته بيك يـــــدوخ
وداويته بمــلح وبـهـــــــوسة ادفوفك
هاذ الي اشتراك ابـــدمه يا بــــــذات
يشيل خيوط جرحـه ويگـــعد يـــروفك
اذا مرتاح منـــي روح ضـــــــل مرتـاح
لا تسال علي ماريد معروفــــــــــــك
واذا مهموم اذكر جفي لمن جـــــــان
يحرس خدك ومدمن عله جــــــفوفك
===== الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
فضيت الشراكه وياي شنهي الصار
شنهي الحب لعب رايد تبطلـــــني
وخل نفرض لعب ومحالل وموهوب
بس ردلي شبابي الي تلف منـي
تشك بيه اخونك لاتـــــــــــلف ودور
قديمه سوالفك كامت متعبــــــرني
احلف بل عشك غيرك ولا حبــــيت
واذا مره نسيتك كون يصطــــــــرني
===== الـ،ـزعـ،ـيـ،ـم^أبـ،ـن^الـ،ـبـ،ـصـ،ـره=====
غلطة حبك تسوه كل صح بالوجود
وبيه من عندك وجع جـــــن عافيه
الصدك ما ارتاحلك بس روحي بيك
وما احبك بس احب مو كافيـــــــــه
انته مو فد شي كْلب بين الضلوع
ومو ضوه اعيوني وبدونك طــــافيه
ادري شحجيلك وتزعل حته اموت
نار احس ابحضنتك بس دافيــــــه ?
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره =====
درتلك ظهر گلبي بعد راح انـــــساك
واعتبرك متت بل اقنع بموتــــــــــــك
وارجعهن سنيني الراحن بليــــــــاك
وادفن ذكرياتي بعتبة سكوتــــــــــك
وبعد بالتسعه انام السهر راح ويــاك
وبعد بأذني محرم ينسمع صـــــوتك
ولو صارت سوالف والعتب ميفيـــــد
جناز العتب وسواره تابوتـــــــــــــــك
قطار الگلب سار ولا تنطره بيــــــوم
بمحطاتك حلف..مايوگف يفـــــــوتك
===== الـ،ـزعـ،ـيـ،ـم^أبـ،ـن^الـ،ـبـ،ـصـ،ـره =====
ليش الينجرح مــن اقرب انسان
يشكي للــغرب طــعنة حــبيبــه
اذا هــو اليــحبك مــارحم بيــــك
عـود تــرحمك الــناس الــغريبة ؟!!
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره =====
وينـك كلشـي بيـه يصيــح مشتــاك
خيـالــي وصفنتـي ودمعـات العيــون
اشـم ريحــة ثيابـــك گمـت عالبــاب
واتخيـــــل خيـــالــــــك بــاليمـــرون
ماجــيت واتــاني وصـارلـي سنيــن
اكيـد بشــوفتك راح اگلــب الكـــون
تعـال اجرحني عادي بجرحـك ارتاح
جرحــك يختــلف عـن اليجــرحـــون
=====الـ،ـزعـ،ـيـ،ـم^أبـ،ـن^الـ،ـبـ،ـصـ،ـره =====
گالوا حبيبك زعل اتـــــــــساهل وراسـله
گلت انه مركب هوه وطول العمر راســـله
گالوا زغير وحلو وخله على رســــــــــــله
گلت انه طول العمر احفظ مقامه واجــــل
و واگف گباله انه خجلان منه و وجـــــــــل
بس من يزل صاحبي بالله عز وجـــــــــــل
وكت المعاند تره بس الله اطخ راسي اله
