**************************************************
الماساهرله ليله الحد الاذان
ما اعتـــبره عاشك لــو يأذن
مكروه اليحبَ .؟ كَـأإضيها بسَ صفنات
اشــم ريحـــةة .. الله .. مـــن اطــــب .. لحسيـــــن ..
وصل حزني بغيابك شي صعب ينقاس
بحيث ادموعي تنزل لابســـه اســــود
واكثرهم للــحـــــق كارهـــون
جا ليش من اكلك خاين اتضوج
آلعـِشكْ عنديَ عـِشكْ / مـآعنديَ هيـجَ وَ هـيجَ
شآطِر بآللعب تلعِب علىَ الحبلين
تحجـي ويـآي وانتْ متـآني غيـري
متت صح بغيابك بس شنو الموت
يراد بغيابك شي بعد اقوى
آلـمآ عِندة وفـه لـآ يُـذكر آلعبآس
لـأن سطـرة جفوفـه ميردهـآ بسَ آلله
يم غيري اذا مرتاح ضل لا تمرلي
مادامك انت بخير خليني اولي
اذا رايد وفه لاتدگ باب الناس
دگ باب الچلاب وهيه توفيلك
زحمه العشره تكظي بزعل كون بموت
جبتلهم ملح غزر حته وي ابليس
عجيبه شلون وياهم ماغزر
تتفتح شهيتي من ازعل ويــــاك
بحيث ابقه بغيابك اكل بروحـــي
على طاري الخيانة لتسولف ارجوك
ولك حتة الخيانة تشكي منك
لاتثكل علية وانتة تعرف زين
ميهز مني ثـگلك حتى شعراية
مو بفلوس اجدي تدري هاي الناس
اجدي اخبار ربعي الما يسألون
كعدت اويه الكلب احسب جروحه
وسالته ياجروح الي تظل مفتوحة
كلي جروحي من اعداي طابن
ظل جرح الصديق يجدد بروحه
شو طالع تخبل من الفرااااااك ......
ؤانا طالع مخبل بالدراااااابين
يظحي بروحه كلمن يعشك انسان
انه ابيش اظحي وانته روحي
****************************************
مثل كلبي بعد ماتلكه يفلان
عمت عينك لان ضيعته منك
الناس من يخلص صفر تكسر كزاز
وانت عكس الناس تكسر خاطري
اليغفة بلا عشك شمعرفة .... لون الليل
اخلي ألجسد صامت من أنام ألليل
لأن دكة فراكك تاخذ ألــــــــــــروح
شكد حلوه البدايه العشتها وياك
بس مسك الختام هواي ..عذبني
مو اني التردله شوكت ماجان
ولا اني الفطير اليتقشمر بغمزه
عليك ابخت صاحب حلقتك لتروح
بعدنة وداعتك عل فركة والله اصغار
من صافحتك انه وكتلك الله وياك
شفت ادموع نزلت من اضافيري
الفرج محد يعرفه شكم قفل بي
ابــتلى بلوه الصبر من صار مفتاح
اذا جرحـك يلجمــه المـنـك وبـيـك
بـعـد عـالغـربـه لـتذب الــملامــــه
عرفتك ماترد....من كتلي راح اشتاك
على هذه انقطاعك حيل مشكور
عليه هواي تسأل خجلتني
حقك ياحلو تتكبر على الناس
وليملك جمالك حقه يتكبر
المؤذن من جمالك شافك وداخ
صاح الله يخبل مالفض أكبر
بلا ذمة وضمير تعيش بعض الناس
تلجم بالجرح وتكول شعلية
شفت غيري ؤرحت بلعافيه الله وياك
لعد شگد هذا غشيم ؤيدور فضاله
جنت بعيوني نورس ترحل شلون ..
رحت وعيوني بعدك دمعت ريش .
صرت مثل الدعاء.....انذكر وكت العوووز
يالهاجرت بيتك ....مافكرت بي ينباك
على اعناد الجرح راح اضحك اليوم
واتـحدى الـجرح آذا يكدر يبجيـني
عيد الحب يصآدف هآآي الايام
لعد عيد الخيآآنه شوكت يصادف
ذكرتك بالووووجوه...الردت يمها انسااااك...
سياج البيت شلتة وكصب خليت
شستر ياعرض فراكك فضحني
اكدر انتقم بس تدري عفتك ليش
يعجبني الوكت مرات من يفتر
ماريد المحبة البيهة احس مذلول
ادفن روحي بيدي ومحد يذلني
الأعزب ما يهم جوة التراب ينام
بس العندة جاهل ما يدبرهة
*******************************************
امروتك يادمع لو شفته ما اوصيك
انه لزامطت اضحك لا تفشلني
شـــو بـــلـة اوكــف ارجــع افـتر
حلو ثوب الخيانه مفصل لجسمك
كلبي عله الحزن دخلته دورات
طـلـع خـريـج كـلـيـة مـصـايـب
على كيفك يعمي شمالك وياي
ترى ثوب التكبر قبلك لبسته
سمعت صوتك وراي يصيح احبك حيل
طلع شامت خبيـث يقــلـــد اصـــوات
جذع يابس صفيت بغيبتك هاي
وعليه الناس كامت تكتب الذكرى
والله لو تعرف معزتك جاعفت روحك وجيت؟
وصل راس الشهر راح اقبض جروح
لان ذاك الشهر خلصته طعنااات
تّمُنَيّتّك كبُلُ فُرًعّوٌنَ... مُنَ تّزّعّلُ أِوٌدًيّلُك نَبُيّ يّرًأِضٌيّك
لـــو تـــــــــدري بغـــــيــابـــك ياهـــــو ويــاي
الحـزن لــمـــلــــم اخــوتـــــه وكَــعــد يمّــي
انتة نعمة ولازم انبوسك...شرط وجة اوكفة...؟
لان غيري خـذاگ بزفته وراح
صفه حتى الحلال بعيني باطل
كبل ماجنت اعرفك وانه ميت بيك..
بس هسه عرفتك فلس ماتسووه..
صحيح انا فقير وحالي تعبان
بس عندي الوفه يسوة ملايين
عدا صوتك....نشاز بأذني اي صوت
وحتى الصرخه منك.....جنها تغريد
كلتلي حزام ظهرك اني للموت
صرت حزام ناسف وفجرتني
اتعبلك عمر حته انت حكي تصير
تالي تصير حك الماتعب لحضه
كون أعيـش بغير دنيا ,,, حتى لو جوه الترااب !!
مشتهيك بداعت العشره تعال!!!!!!
عٌلَه كيُفُك? ....يُحظًيُ آشُبُيُك? عٌآثُر
اذا اسمك لكيته بنص الأسطور
تره اسم ابليس مسطر بين الأيات
عشرتهم نبك أبهزه كلهه اطيح
تره الرايح بعد ميرجعه دمع العين
الدمع ... لوبي وفه خل يرجع لعيني
اليحب بل الصدفه احسن ليش؟
لان حب الصدف مابي مصالح.....
اذا يحجون خلهم علي يحجون
مدام وياك خل تخرب سمعتي
يامدمن هجر ماهزك الشوك
كد نجوم ليلك اني حنيت !!
تفاركني يغالي وتكلي خلي نعود
مالومك ياهيثم من كلت بعديش !!
كلت انسه الوفا واحمل طبع بذات
رد عليه الضمير وكلي مو طبعك
ماقريت القطعة يم كلبي شتكول
خفف الفركه ترة فراكك صعـــــــــــــــب
لاتــنـكـــر بـشــر شــك كــلـبـــه حــطــك بــــــي
انــكـــرلـــك بــــشـــر حــــط مـلـــح لــجــروحـــك
**********************************************
*********************************
وهــــذه مــــجـــمـــوعــــه اشــعـــار
انشاء الله تنال اعجابكم
****************************
أسولف وي صوركم لمن أشتاك
وأتخيل وأگول وياي يحجون
وأرد بهمس أحجي أوية ألحياطين ..
يمته إمن ألصور كلهم يطلعون
أنة أشتاگيت بس ألشوك وألله ..
شوك خدود تنطر دمع ألعيون ..
عشت وألمن أعيش بدنيتي هاي ..
وآني بگبر فركة نفس مدفون ..
إعلة درب أذني ولا مريتو فد يوم ..
وأذني متانية وتسأل بالجفون ..
محد شافهم محد سمع صوت ..
بلكي بطيف عاشك صدفة يلفون ..
إذبلت مثل ألورد بس ألوضع جان ..
مثل آخر جگارة وبيد مجنون ..
ألتهيت إبكلشي ناسي أيامكم ذيج ..
وأگل للناس عيب أنساهم إشلون ..
كتبت ألكم قصيدة لخاطر ألناس ..
خاطر بلكي من أحجيهة يبجون ..
أگلكم جذبت وألجذب مكروه ..
ألجذب محبوب بس عند أليجذبون
***********************************
يا دفـــتر حياتي الخلص بـــس هموم …
يا اتــعـــس قــلم مــا فـارگ الدمـــعة …
يا دنـــيا غـــبـــية تـــواكـــحت ويـــاي …
ياهــو الــي اريــــدة تــگول مـــارجـعة …
يا اصعب زمن خلــــصهة ضـــيم وياي …
حالف گلبي يتعـــب دون كــــل ربــعة …
و يادمعي العماني و ظال ع الــخدين …
مثل كومة زلــم مـنتظرة بـــس فزعة …
و ياصوتي القبل واصـــل لسابع جــار …
هسة بصفي واگف صوتي ميسمعة …
يا كافي ! تعبت يا من صدگ مليـــت …
رااااح الي هويــتة و قــبل مـــاودعــة …
مثل ميت عشت عايزني بس تابوت …
ومـــتاني شــريف يصــيح خنــشيعة …
و بـــعد لحـــد ينـــوح ويـذكر المرحوم …
مات ! وكـــل دمـعكم بــعد مــيرجـعة …
**************************************
اجه واحـد علية وگـالي شبيـــــــــك
احس حملك ثگيل ودمعة بعيــــونك
و احس داخل گليبك نار تشعل نـــار
و احس ظهرك حنيتة وهدلن متـونك
گتلة القصة هيج وهيج بية الصـــــار
صـــــاح الله واكبر عمي خيـــــعونك
مايسوون اظفرك خلهم يـــــــــولون
ماعدهم گلب ذولة اليخـــــــــونونك
تتعذب عليمن انتة هـم انـــــــسـان
بس دوس اعلة گلبك لا يـــدوسونك
وعليمن تنتظرهم ( والله ميرجعون )
حيــــل بعيد صارو ما يـــــــــذكرونك
و لو بيهم أمل انتظر چـــــــــان وياك
بس قاسي گلبهم ما يفيــــــــدونك
و اخذ مني نصيحة وعوف دمع العين
صافن لا تظل باجر يعبـــــــــــــرونك
***************************************
بكلشي اذكرك يل ظنك نسيت
وخصوصا من تجيني ايام عاشور
لان لمن عفتني اذكر الناس
اذا كبلو علي كاللولي ماجور
جي شافو دمعتي بوجنتي تسيل
مثل الفاكد امة تشوفة مذعور
اذا الدولاب يفتر يسعد الناس
انا افتر ولاكن خلكي مكسور
انا ابجي اعلى هجرك عذري وياي
الي تكتلة الهظيمة ويبجي معذور
تهدم كل اساسي بداخل الروح
وقصور احلامي زغرن صارن كبور
ترة المنجل حنون وطيب الذات
يجب كل ما نشوفة نكلة مشكور
ذبح بل شوك وتحمل معاناة
ولا حب تنجرح رجلين عصفور
جنت اقرب علي من عندي وياي
وعلي بسيف هجرك تبرد شهور
وتواعدني واصدك والحلم طال
واذم روحي واكلك انت معذور
وجنت محتاج فرصة تسلم العين
لجن كل عمري باقي عليك ناطور
خفت من ظل سرابك مني بنباك
وبنيت سنين عمري لخاطرك سور
وترة الشيطان يخجل بعض الاوقات
ميظرك لون شم عود البخور
وانا بكل ظلع وجيتلك نار
خاطر ما تحس بعازة النور
ولا بل عين غزر تعبي وياك
يل حجمك فراغ بين الاسطور
عمر كظيت اعلمك تلفظ الدار
وعلى متون الاذان تردد الدور
حتى تزيد حملي وغايتك هاي
وطيح منل تعب وتكلي مجبور
اي مجبور اتعب وكسب انسان
كون بغيرتة على العايزة يثور
هيج توقعيتك والعكس صار
وطلعت غدارانت وانا مغدور
وطلع ميت ظميرك صاير سنين
اكول شما اشمك بيك كافور
ولاكن مثلتها بحرفة وياي
مسلسلة الخيانة وحافظ الدور
كل طعنه اطعنتني تريد حلقات
واذا احجيها كلها يريدلي شهور
***************************************
رغـــم خـــايـني لكن خايف اعليك
ربـــك اللــــه يـسـتر مــــن عذابة
سمعت امي تنادي الباري مولاي
يـــربـــي أعلة الغدر خلص شبابة
يرب مثـل البشــــر مـايعرف يخون
فقير وعالمــــصايب كـــلبــة جابة
يرب اطباعة مــثـــل اطــباع الطيور
والـــوادم مــــثــــل طبع الذيـــابـة
عفتهة أعليك تدعــي بوكت الغروب
و تـــدري بدعـــوة الام مـــستجابه
*******************************************
معقوله حبيبي يشتري الغيري هديه وراح يهديها
افكر وحرك بروحي يسويها حبيبي ما يسويها
يربي حساس يكتل راح روحي تروح
لك معقوله هيجي يصير تاليها
شكل الروحي وصبر شحجي حتى ارتاح
وهاي ادموع عيني وين اوديها
كل ماعيد حب يفوت ذكرى تموت
وخلصت ذكرياتك ما احس بيها
عندي حساس كلي الغيري راح تروح
ومحضر هديه وراح تنطيها
عليك ايام حبنه ايام حبنه اثبتلي انا غلطان
او اي جذبه اصدك راح تحجيها
كلي لاغلط وحساسك الغلطان
كلي هيج دكه ما اسويها
كلي اعيون حبنه عرضن ورديت
وهدايانا القديمه محتفض بيها
كلي متاني جيتك رغم كل الصار
كلي حضنتك من تجي متانيها
كلي واني اسمع ونت ما خسران
بس نار البكلبي فدوه طفيها
اي ذكره قديمه اذكره حتى ارتاح
وكول ايامنا مايوم ناسيها
وكولن بعده يذكر والوفه ماراح
كول اي كلمه منك عيني بجيها
الله لايوفقه السوه هذ العيد
وذكرني بصفحتي الجنت طاويها
هسه تخيلك متحضر وملهوف
وهديتك على ذوقه يجوز شاريها
شدكله حبيبي كل سنه انت بخير
واله كلمة حبيبي راح تحجيها
شدكله حبيبي اعذرني عالتقصير
اوبعيونك الوكحه اعيونه ترضيها
الله لايوفقك كون هذ يصير
وكون تموت لو باجر تسويها
كون ثنينكم من ناري تشتعلون
ابنفس ناري الجبيره المشتعل بيها
**********************************
